Þjótandi ehf. á Hellu átti lægsta tilboðið í breikkun og endurbætur á Þorlákshafnarvegi sem vinna á að í sumar.
Tilboð Þjótanda hljóðaði upp á 154,7 milljónir króna og er það 76,9 prósent af áætluðum verktakakostnaði Vegagerðarinnar, sem er 201,0 milljónir króna.
Fjögur önnur tilboð bárust í verkið. Óskatak ehf bauð 163,8 milljónir króna, Ellert Skúlason ehf 168,1 milljónir, Stórverk ehf 173,1 milljónir og Þróttur ehf á Akranesi 214,6 milljónir króna.
Um er að ræða styrkingu, breikkun og klæðingu Þorlákshafnarvegar frá Læk í Ölfusi að Þrengslavegamótum. Breikka á veginn úr 7 metrum í 8 metra en framkvæmdakaflinn er um 3 kílómetrar að lengd.
Verkinu skal að fullu lokið fyrir 1. sptember2026.