Þjótandi ehf á Hellu átti lægra tilboðið í endurbyggingu Hvammsvegar, vegkafla frá Landvegi að Hvammi 3 í Landsveit.
Tilboð Þjótanda hljóðaði upp á 154,3 milljónir króna og var 63% af áætluðum verktakakostnaði Vegagerðarinnar, sem er 250 milljónir króna.
Aðeins tvö tilboð bárust í verkið en Nesey ehf í Árnesi bauð 182,5 milljónir króna.
Um er að ræða rúmlega 3 kílómetra kafla og á verkinu á að vera lokið þann 1. október næstkomandi.