Frá og með þriðjudeginum 14. apríl mun þjónusta hjá Strætó á landsbyggðinni skerðast tímabundið vegna COVID-19 faraldursins.
Farþegum almenningsvagna á landsbyggðinni hefur fækkað um 75% yfir síðustu vikur og neyðist Vegagerðin því til þess að draga úr akstri.
„Við munum áfram sjá til þess að halda uppi almenningssamgöngum á landsbyggðinni eins og kostur er. Hins vegar eru aðstæður afar óvenjulegar. Farþegum hefur fækkað verulega á flestum leiðum, og því ekki annað hægt en að bregðast við með ákveðnum skerðingum,“ segir Sólveig Jóhanna Guðmundsdóttir forstöðumaður almenningssamgöngudeildar Vegagerðarinnar.
Suðurland
Leið 51: Reykjavík – Höfn í Hornafirði
Leiðin verður ekin skv. laugardagsáætlun alla daga á meðan að skerðingin er í gildi.
Ferðirnar milli Víkur í Mýrdal og Hafnar í Hornafirði verða aðeins eknar á þriðjudögum, föstudögum og sunnudögum.
Leið 52: Reykjavík – Landeyjahöfn
Leiðin verður ekin skv. laugardagsáætlun alla daga á meðan skerðingin er í gildi.
Leið 71: Þorlákshöfn – Hveragerði
Engin þjónusta á leiðinni á meðan skerðingin er í gildi.
Leið 72: Selfoss – Reykholt – Flúðir
Engin þjónusta á leiðinni á meðan skerðingin er í gildi.
Leið 73: Selfoss – Flúðir – Reykholt – Laugarvatn
Leiðin verður ekin skv. laugardagsáætlun alla daga á meðan skerðingin er í gildi..
Leið 75: Selfoss – Stokkseyri – Eyrarbakki
Leiðin verður ekin skv. laugardagsáætlun alla daga nema sunnudaga á meðan skerðingin er í gildi.