Það var frábær stemning á Brúartorgi á Selfossi í kvöld þar sem sýnt var frá dagskrá Þjóðhátíðar í Vestmannaeyjum á risaskjá.
Hápunktinum var náð þegar Selfyssingurinn Magnús Kjartan Eyjólfsson hóf brekkusönginn af stóra sviðinu í Herjólfsdal og sveitungar hans tóku vel undir með honum á heimavellinum í miðbæ Selfoss.
Brúartorg var smekkfullt í allt kvöld og sannkölluð þjóðhátíðarstemning í tröppunum.