Það var stór dagur hjá þeim félögum Gunnari Jónssyni og Kára Jónssyni, félögum í Flugklúbbi Selfoss, fyrr í mánuðinum þegar TF-GIN fór í loftið á nýjan leik.
Þeir Gunnar og Kári hafa verið að gera flugvélina upp síðastliðin 14 ár en þetta var í fyrsta sinn í 19 ár sem TF-GIN fór í loftið.
Vélin sem er af gerðinni Piper Super-Cruiser, var smíðuð árið 1947 og fyrst skráð 1948. Þeir félagar hafa unnið jafnt og þétt að uppgerðinni síðustu ár og má með sanni segja að vélin sé með þeim glæsilegri á landinu.
Það var Þorfinnur Snorrason sem tók að sér prufuflugið sem gekk vel fyrir sig.
Kári og Gunnar að flugi loknu. sunnlenska.is/Þórir Tryggvason