Framkvæmdir við nýju Ölfusárbrúna ganga vel en í lok júní var verktakinn um það bil hálfnaður með uppsetningu á bitum í brúna.
Í nýju myndbandi er rætt við Hjört Frey Jóhannsson, verkefnastjóra ÞG verktaka og Höskuld Tryggvason, verkefnastjóra hjá Vegagerðinni, um stöðu framkvæmda.
Til að sjóða saman bita brúarinnar þurfa aðstæður að vera sem bestar. Því voru smíðuð færanleg skýli sem sett eru yfir allar tengingar meðan verið er að sjóða saman bita og mála. Um sextíu manns koma að framkvæmdinni í sumar og sinna fjölbreyttum verkefnum.
Stefnt er að því að hífa brúna yfir ána um mánaðarmótin ágúst/september. Hjörtur Freyr segir mikið verk að flytja svo stóra brú og það taki um tíu til tólf daga.