Sveitarstjórn Skeiða- og Gnúpverjahrepps hefur samþykkt að hreppsbúar sem stunda framhalds- eða háskólanám á höfuðborgarsvæðinu fái styrk til kaupa á strætókortum.
Námsmenn með lögheimili í hreppnum eiga þess kost að fá styrk til kaupa á námsmannakorti, allt að 15.500, kr. sem veitir aðgang að strætisvögnum á gjaldsvæði 1.
Námsmenn með lögheimili í þeim sveitarfélögum sem eru eigendur Strætó bs. fá gjaldfrjálsan aðgang að almenningsvögnum fyrirtækisins.