Ökumaður fólksbifreiðar var í dag sviptur ökurétti eftir að hann ók bifreið sinni á 185 km/klst hraða á Lyngdalsheiði á leið að Laugarvatni. Nokkur umferð var þegar hraðaksturinn átti sér stað.
Undanfarið hafa lögreglumenn verið við hraðamælingar á Lyngdalsheiðarvegi. Að sögn lögreglu aka margir þar yfir leyfilegum hraða.
Öllu hægar fór ökumaðurinn sem kærður var fyrir hraðakstur á Suðurlandsvegi undir Ingólfsfjalli. Sá mældist á 114 kílómetra hraða.