Heilbrigðisstofnun Suðurlands mun hefja reglulegar sýnatökur vegna COVID-19 á Hvolsvelli næstkomandi þriðjudag.
Það sem af er kórónuveirufaraldrinum hafa sýnatökur á Suðurlandi einungis verið í boði á Selfossi.
Sýnatökurnar á Hvolsvelli fara fram á Hvolsvegi 31 og það er öryggisfyrirtækið Securitas sem mun sjá um þær, undir handleiðslu heilbrigðisstarfsmanna á HSU, eins og verið hefur undanfarið á Selfossi.
Framkvæmdar verða PCR sýnatökur og hraðpróf en opið verður í skimanir alla virka daga frá kl. 15:00 til 17:00.