Um klukkan 11 í morgun fékk lögreglan á Suðurlandi tilkynningu um flugslys sunnan Mýrdalsjökuls. Einum manni á svifvæng hlekkstist þar á og varð hann viðskila við samferðamenn sína.
Björgunarsveitir og þyrla landhelgisgæslunnar hafa verið kölluð út til leitar og björgunar og standa björgunaraðgerðir yfir.
Uppfært kl. 13:20: Flugmaður svifvængsins er fundinn og hefur hann verið hífður um borð í þyrlu Landhelgisgæslunnar sem flýgur með hann til skoðunar og aðhlynningar á bráðamóttöku Landspítalans.
Tildrög slyssins eru rannsökuð af rannsóknardeild lögreglunnar á Suðurlandi.