Í gærkvöldi tóku verslanir við Larsenstræti á Selfossi höndum saman og héldu Bleikt kvöld í tilefni af Bleikum október.
Opið var fram á kvöld í Kappahl, Bónus, Gina Tricot, Emil&Lína og Zo-On, H verslun, Pennanum Eymundsson og Álnó. Boðið var upp á veitingar, flott tilboð og frábæra stemningu. Var það mál manna að Bleika kvöldið hefði heppnast einstaklega vel.
Í Kappahl var sérstök dagskrá frá klukkan 18:00 þar sem ýmis fyrirtæki af svæðinu kynntu vörur sínar og starfsemi. Þar á meðan og voru Daley kerti, Endurlífga jewellery, Lena verslun og Krabbameinsfélag Árnessýslu auk þess sem MS og Kjötbúrið voru með dýrindis mat til að smakka. 10% af sölu brjóstahaldara í Kappahl þennan dag rann til styrktar Krabbameinsfélags Árnessýslu.
