Sveitarstjórn hafnaði upplýsingamiðstöð

Sveitarstjórnar Rangárþings eystra hefur hafnað umsókn félagsins Friendly Iceland efh. um aðstöðu við veginn niður að Landeyjahöfn.

Að sögn Ingólfs Guðlaugssonar, sem stendur að umsókninni, eru það vonbrigði að hafa fengið höfnun og það án þess að nein sjáanleg umræða hafi farið fram um erindið.

,,Ég hafði séð fyrir mér að geta sett þarna upp upplýsingamiðstöð sem hefði geta nýst fyrir þá sem voru á leið til Vestmannaeyja eða upp á land. Ég hélt að þetta vantaði og gerði bara gott,“ sagði Ingólfur í samtali við Sunnlenska.

Ingólfur hugðist setja skýlið upp við hringtorg það sem skilur Landeyjarhafnarveginn frá þjóðvegi 1.