Sunnlenskir skólar sitja á botninum

Niðurstöður úr samræmdum prófum sem 10. bekkingar í grunnskólum landsins tóku í fyrrahaust sýna glögglega að sunnlenskir skólar mælast enn á ný undir landsmeðaltali hvað árangur nemenda snertir.

Undantekningin eru skólarnir í Bláskógabyggð, en samkvæmt tölum Námsmatsstofnunar eru þeir ýmist efstir eða meðal efstu skóla landsins.

Skólarnir í Rangárvallasýslu eru yfir meðaltali í íslensku og stærðfræði. Aðrir sunnlenskir skólar eru undir meðallagi, og raunar setja niðurstöðurnar úr skólum stóru sveitarfélaganna þriggja í Árnessýslu þau all neðarlega á listann.

Stjórnarformaður Skólaskrifstofu Suðurlands segir málið aðeins verið rætt óformlega en telur að skólar ættu að nýta sér vísbendingar úr slíkum prófum.

Sjá nánar í Sunnlenska fréttablaðinu.