Sunnlenskir nýburar fá ullarhosur

Samband sunnlenskra kvenna mun gefa öllum nýburum árið 2012 á Suðurlandi ullarhosur. Þetta er þriðja árið í röð sem SSK gefur nýburum gjafir.

Síðastliðin tvö ár hafa kvenfélagskonur undir merkjum SSK gefið öllum nýburum á Suðurlandi ullarhúfur, prjónaðar af kvenfélagskonum. Þetta árið er ráðist í það að prjóna nýburahosur á öll sunnlensk börn, sem fá hosurnar að gjöf á fæðingadeild Heilbrigðisstofnunar Suðurlands.

Stjórn Sambands Sunnlenskra kvenna (SSK) kom í heimsókn á fæðingadeildina í vikunni og færði fyrstu stúlkunni sem fæddist á HSu á árinu fyrstu hosurnar.