Fyrstu réttir á Suðurlandi þetta haustið eru um næstu helgi og stóra réttahelgin er síðan 11.-12. september.
Næstkomandi laugardag, þann 5. september verður réttað í Kringlumýrarrétt á Lyngdalsheiði og mánudaginn 7. í Klausturhólarétt í Grímsnesi.
Föstudaginn 11. september eru Hrunaréttir og Skaftholtsréttir og laugardaginn 12. Reykjaréttir á Skeiðum og Tungnaréttir.
Sömu helgi, þann 12. september er réttað í Grafarrétt í Skaftártungu og Skaftárrétt í Skaftárhreppi. Sama dag er réttað í Húsmúlarétt við Kolviðarhól.
Mánudaginn 13. september er réttað í Ölfusrétt, Heiðarbæjarrétt og Brúsastaðarétt í Þingvallasveit og þriðjudaginn 14. í Grafningsrétt.
Selvogurinn verður smalaður 19. september og réttað verður í Selvogsrétt sunnudaginn 20. september kl. 9.
Þessi listi er í vinnslu en hægt er að senda upplýsingar um réttardaga á netfrett@sunnlenska.is.