Verulegur hallarekstur er á sundlauginni á Kirkjubæjarklaustri og hefur opnunartíma hennar nú verið breytt.
Í fundargerð sveitarstjórnar kemur fram að hallarekstur sundlaugarinnar nemi um 5 milljónum á mánuði að meðaltali, fyrstu sjö mánuði þessa árs.
Tilraun sem gerð var með að auka opnunartíma sundlaugarinnar gekk ekki upp og samþykkti sveitarstjórn því að hún yrði héðan í frá opin kl. 11 til 19 frá mánudögum til laugardags og lokuð á sunnudögum og rauðum dögum.