Fimmtudaginn 4. júní verður sannkölluð sumargleði í verslunarkjarnanum Austurgarði við Larsenstræti á Selfossi.
Opið verður til klukkan 21 í verslunum Kappahl, Gina Tricot, Emil&Lína, H verslun, Pennanum Eymundsson, Álnó og Freistingasjoppunni og verða skemmtileg tilboð í gangi allan daginn. Um kvöldið verða svo bornar fram léttar veitingar á mörgum stöðum, lukkuhjól dregin fram, kaupaukar og fleira svo það verður sérstaklega skemmtilegt að rölta á milli búða á þessu líka fína verslunarsvæði á fimmtudaginn.
Tilefnið er eins og nafnið gefur til kynna: Sumarið er komið! Austurgarður fagnar einnig 1 árs afmælinu sínu um þessar mundir en kjarninnn var vígður 30. maí 2025 við hátíðlega athöfn þar sem nafn hans var opinberað.
Síðan þá hefur mikið vatn runnið til sjávar og fleiri verslanir hafa opnað dyr sínar á svæðinu. Í dag er þetta einn stærsti verslunarkjarni sveitarfélagsins. Nóg er af bílastæðum við Austurgarð og aðgengi gott, vöruúrval er hvor tveggja fjölbreytt og glæsilegt og því hefur svæðið notið mikilla vinsælda frá upphafi.
„Við hlökkum til að taka á móti gestum og gangandi og eiga skemmtilegan dag saman – komið og gerið frábær kaup fyrir sumarið í Austurgarði á Sumarkvöldi, fimmtudaginn 4. júní!“ segir Jóna Alla Axelsdóttir, starfsmaður Emil&Lína.