Tveir eru alvarlega slasaðir eftir harðan árekstur þrigga bifreiða á Suðurlandsvegi rétt austan við Jökulsá á Sólheimasandi á sjöunda tímanum í kvöld.
Samtals voru átta manns í bílunum þremur og voru fjórir fluttir með þyrlu Landhelgisgæslunnar á slysadeild í Reykjavík. Tveir voru fluttir með sjúkrabifreið á Heilbrigðisstofnun Suðurlands til aðhlynningar.
Þrír sjúkrabílar og tækjabíll frá slökkviliðinu fóru á vettvang, ásamt lögreglu og þyrlu.
Langar bílaraðir hafa myndast sitt hvoru megin við slysstaðinn. Suðurlandsvegur er ennþá lokaður vegna slyssins en unnið er að opnun. Rannsóknardeild lögreglunnar á Suðurlandi vinnur nú að vettvangsvinnu sem gæti dregist fram á kvöld og biðlar lögreglan til vegfarenda að sýna tillitssemi á meðan vettvangsvinnu stendur.
Uppfært kl. 21:30