Suðurlandsvegur er lokaður til vesturs vegna umferðarslyss í Svínahrauni, vestan við gatnamótin að Hellisheiðarvirkjun.
Slysið varð rétt fyrir klukkan 11 í morgun en samkvæmt heimildum sunnlenska.is var um harða aftanákeyrslu að ræða. Viðbragðsaðilar hafa verið kallaðir á vettvang, meðal annars tækjabíll frá Brunavörnum Árnessýslu.
Vegfarendur á leið til Reykjavíkur geta farið um Þrengslin á meðan vegurinn er lokaður.
UPPFÆRT: Búið er að opna veginn aftur.