Lionsklúbburinn Dynkur afhenti björgunarsveitunum Sigurgeiri, í Skeiða- og Gnúpverjahreppi og Eyvindi í Hrunamannahreppi, veglega styrki fyrir jól.
Hvor sveit var styrkt um hálfa milljón króna og verða styrkirnir nýttir til tækjakaupa. Formenn sveitanna, þeir Óskar Rafn Emilsson og Björgvin Þór Harðarson veittu styrkjunum viðtöku úr höndum Haraldar Ívars Guðmundssonar, formanns Dynks og Sigvalda K. Jónssonar, formanns verkefnanefndar hjá Dynki.
