Undanfarin ár hefur þýska ferðaskrifstofan Katla travel GmbH og samstarfsfyrirtæki hennar á Íslandi, Katla DMI ehf og Viator ehf, styrkt skógrækt á Haukadalsheiði.
Gróðursettar hafa verið vel á annan tug þúsunda plantna fyrir tilstilli þessara fyrirtækja í uppgræðslusvæði á Haukadalsheiði.
Á dögunum heimsóttu starfsmenn fyrirtækjanna í Þýskalandi og á Íslandi svæðið og var af því tilefni sett upp skilti á heiðinni.
Á næstu árum mun vaxa upp birkiskógur á svæðinu sem á eftir að sá sér yfir nálæg svæði og vernda þar jarðveg.