Lið Menntaskólans að Laugarvatni er úr leik í Gettu betur, spurningakeppni framhaldsskólanna, eftir tap gegn Verkmenntaskóla Austurlands í beinu streymi á ruv.is í kvöld.
VmE leiddi 11-8 eftir hraðaspurningarnar en ML náði ekki í stig eftir það og lokatölur urðu 23-8. Lið ML skipuðu þau Þorbjörg Guðrún Kristófersdóttir, Þórhildur Þorsteinsdóttir og Brynjar Logi Sölvason.
Í kvöld var dregið í 2. umferð og þar mætir Fjölbrautaskóli Suðurlands Fjölbrautaskólanum í Breiðholti. Viðureignin fer fram miðvikudaginn 19. janúar á Rás 2.