Fjölbrautaskóli Suðurlands fylltist af syngjandi rauðum, grænum, fjólubláum og gulum Stubbum síðastliðinn föstudag.
Þar voru á ferð dimmitantar, nemendur sem stefna á að ljúka námi á vorönn. Stubbarnir stigu dans og sungu fyrir nemendur og starfsfólk. Því næst gæddu þeir sér á kjötsúpu með starfsfólki og héldu svo út í óvissuferð.
Nú er próflestur tekinn við, en um 117 nemendur hyggjast brautskrást úr námi við skólann.
Brautskráning vorannar fer fram miðvikudaginn 28. maí og hefst kl. 14.