Strætisvagn á leið til Reykjavíkur rann útaf veginum efst á Hellisheiði í hvassviðrinu um miðjan dag í dag.
Samkvæmt upplýsingum frá Jóhannesi Rúnarssyni, framkvæmdastjóra Strætó, voru tveir farþegar í vagninum og sluppu þeir, sem og ökumaðurinn ómeiddir.
Annar vagn var kallaður út til að koma farþegunum á áfangastað og búið er að fjarlægja strætisvagninn af vettvangi.
Hálka er á Hellisheiði og gengur á með dimmum hríðaréljum.