Smíðastofan í Flúðaskóla stórskemmdist þegar varmaskiptir gaf sig síðastliðinn þriðjudag, með þeim afleiðunum að stofan fylltist af gufu og raka.
Frá þessu er greint á Facebooksíðu Hrunamannahrepps en allar loftaplötur í stofunni eru ónýtar, ásamt milliveggjum og veggjaklæðningar auk auk dyraumbúnaðar og gólfs í hluta hússins.
Viðgerð á húsinu er að hefjast en hún mun taka nokkurn tíma. Á meðan munu nemendur fá óhefðbundna kennslu í skapandi greinum í stað hefðbundinnar smíðakennslu.