Lögreglan á Suðurlandi lagði hald á tæplega 200 kannabisplöntur á ýmsum vaxtarstigum eftir umfangsmikla lögregluaðgerð í Reykholti í Bláskógabyggð í gær.
Einn var handtekinn vegna málsins og auk þess var lagt hald ræktunarbúnað og meint fíkniefni.
Samkvæmt heimildum sunnlenska.is fékk lögreglan ábendingu um óvenjulegar mannaferðir við húsið síðastliðinn laugardag. Lögreglan fylgdist með húsinu þangað til hinn handtekni mætti á vettvang og lét þá til skarar skríða.
Málið er til rannsóknar hjá lögreglunni á Suðurlandi.