Litlu mátti muna að stórbruni yrði þegar eldur kviknaði í bifreið við verkstæði á Hlíðarbrún í Flóahreppi um klukkan 14 í dag.
Eldur kviknaði þar í bifreið er stóð nærri verkstæðishúsi og mátti litlu muna að eldurinn hlypi í húsið.
Slökkviliðsmenn Brunavarna Árnessýslu frá slökkvistöðinni á Selfossi brugðust við kallinu og slökktu eldinn.
Samkvæmt upplýsingum frá Brunavörnum Árnessýslu er bifreiðin gjörónýt en húsið er að mestu óskemmt.