Stór skriða féll niður í Reynisfjöru í nótt. Þetta kom í ljós þegar lögreglan kannaði svæðið snemma í morgun.
Fjörunni var lokað í gær eftir grjóthrun síðustu tvo daga. Lögreglan greindi frá því að ferðamenn hefðu virt lokunina að vettugi, jafnvel þó að lögreglan væri á staðnum.
Stóra skriðan féll í austasta hluta Reynisfjöru en þegar lögregla kannaði svæðið snemma í morgun kom í ljós að mjög stór hluti úr fjallinu hafði þá nýlega fallið í fjöruna og í sjó fram líkt og meðfylgjandi ljósmynd sýnir.
Er sjórinn brúnlitaður á því svæði þar sem skriðan féll. Lögreglan mun kanna málið nánar í dag ásamt sérfræðingum.