Í dag klukkan 11:48 varð skjálfti af stærðinni 3,7 tæpum 3 km vestan við Landmannalaugar.
Skjálftinn var á 1,3 km dýpi og hefur að sögn vakthafandi jarðvísindamanns á Veðurstofunni líklega fundist vel á nærliggjandi svæði.
Nokkrir eftirskjálftar hafa fylgt í kjölfarið.
Þetta er stærsti skjálfti á Torfajökulssvæðinu síðan í janúar 2019 og ágúst 2018, þar sem einnig mældust skjálftar 3,7 að stærð.
Frá árinu 1991 hafa aðeins tuttugu skjálftar yfir 3 að stærð mælst á svæðinu við Torfajökul og Landmannalaugar.