Byggingafélagið Stofnhús er að ljúka við byggingu glæsilegs fimm hæða fjölbýlishúss með 22 fullbúnum íbúðum við Hnjúkamóa 16 í Þorlákshöfn.
Íbúðirnar fóru í sölu síðasta haust og framan af var salan nokkurn veginn í takt við almennt ástand á húsnæðismarkaði. Það var því ljóst að þörf væri á að fara nýjar leiðir til að ná til tilvonandi kaupenda.
Stofnhús hefur átt í farsælu samstarfi við markaðsstofuna Sahara um árabil og í sameiningu var ákveðið að fara óvenjulega leið en áhrifavaldarnir Júlí Heiðar og Dísa voru fengin til liðs við verkefnið. Líklega er þetta í fyrsta sinn sem áhrifavaldar koma með þessum hætti að markaðssetningu fasteigna hér á landi.
Stofnhúsa og Sveindís Guðmundsstjóri, viðskiptastjóri Sahara. Ljósmynd/Aðsend
Seldu 12 íbúðir á einum mánuði
Áhrif þessarar nýju nálgunar létu ekki á sér standa. Áður en herferðin fór í loftið um miðjan febrúar höfðu sex íbúðir selst, en í kjölfarið seldust 12 íbúðir til viðbótar. Alls eru því 18 af 22 íbúðum seldar – einungis mánuði síðar.
„Við höfum unnið töluvert með Sahara og samstarfið hefur verið farsælt, þannig að við treystum þeim til að finna verkefninu þann farveg sem myndi skila árangri,“ segir Jónas Páll Viðarsson, framkvæmdastjóri Stofnhúsa.
Þurftu að hugsa útfyrir boxið
Að sögn Sigurðar Svanssonar, framkvæmdastjóra Sahara, er lykillinn að árangrinum meðal annars gagnkvæmt traust.
„Stofnhús er viðskiptavinur sem er tilbúinn að skoða allar hugmyndir og það skapar svigrúm til að gera nýja og skemmtilega hluti. Við vitum að miðlablöndun er sífellt að breytast og miðlar á borð við Facebook, Instagram og TikTok eru nýttir með mismunandi hætti til að ná til ólíkra aldurshópa. Möguleikar fasteignaverkefna til að ná til ákveðinna markhópa hafa hingað til verið takmarkaðir og því þurftum við að hugsa út fyrir boxið, með það fyrir augum að ná til ungs fólks og fyrstu kaupenda,“ segir Sigurður.
staðsetningarinnar. Ljósmynd/Aðsend
Gistu í sýningaríbúð
Útfærslan á herferðinni var jafnframt lykilatriði. Hugmyndin kviknaði á hugmyndafundi og fólst í því að leyfa áhrifavöldum að gista í sýningaríbúð. Sú nálgun gjörbreytir upplifun þeirra sem sjá auglýsingaefnið og auðveldar fólki að sjá sig fyrir sér í aðstæðunum.
„Árangur þessarar herferðar er til vitnis um mikilvægi þess að viðskiptavinur treysti sinni auglýsingastofu til að leita nýrra og óhefðbundinna leiða og keyra þær af fullum krafti. Samstarfið við þau Júlí og Dísu var í alla staði virkilega ánægjulegt og þau útfærðu hugmyndina okkar á einkar faglegan og skemmtilegan hátt. Ég er stolt af þessu verkefni og þakklát fyrir að fá tækifæri til að þróa nýjar leiðir í markaðssetningu fasteigna,“ segir Sveindís Guðmundsdóttir, verkefnastjóri hjá Sahara.
„Samhliða þessari nálgun var einnig lögð áhersla á að draga fram kosti íbúðanna og staðsetningarinnar. Íbúðirnar við Hnjúkamóa eru vandaðar og afhendast með hágæða innréttingum og tækjum, en jafnframt var kastljósinu beint að lífsgæðum í Þorlákshöfn. Þar er fasteignaverð lægra en á höfuðborgarsvæðinu, engin bið er eftir leikskólaplássi og öll helsta þjónusta er til staðar. Skólar og fjölbreytt afþreying eru í göngufæri og styttra er í höfuðborgina en margir gera sér grein fyrir.“