Elliði Vignisson, bæjarstjóri Ölfuss, fundaði með Regínu Björk Jónsdóttur og Karli Eiríkssyni, viðskiptastjórum Nova í morgun varðandi bætt fjarskiptasamband í Þrengslunum.
Nova er þjónustuaðili sveitarfélagsins og tilkynntu Regína og Karl á fundinum að sambandið í Þrengslunum yrði bætt fyrir áramót ef veður leyfir eða eins fljótt og auðið er.
Þetta mun auka öryggi á ferðalögum um Þrengslin en fjarskiptasamband er mjög slæmt á ákveðnum kafla á veginum.