Stefán Short var á dögunum ráðinn byggingarfulltrúi Rangárþings ytra. Stefán er húsasmíðameistari frá Fjölbrautaskóla Suðurlands og er með Bsc. gráðu í byggingartæknifræði á burðarvirkjasviði frá Háskólanum í Reykjavík.
Hann hefur víðtæka reynslu af húsasmíði, verk- og byggingarstjórn, hönnun, eftirliti og úttektum. Hann starfaði lengi hjá Umhverfis- og tæknisviði Uppsveita og nú síðast sem skipulagsfulltrúi hjá Sveitarfélaginu Árborg.
Birgir Haraldsson, sem hefur gegnt starfi skipulags- og byggingarfulltrúa, verður áfram skipulagsfulltrúi en Stefán tekur við byggingarfulltrúahlutanum.