Nýir skólastjórnendur hafa verið ráðnir að Tónlistarskóla Árnesinga. Það eru þau Stefán Haukur Gylfason, skólastjóri og Pamela De Sensi, aðstoðarskólastjóri.
Bæði eru þau með mikla og víðtæka reynslu af kennslu og stjórnun. Stefán Haukur er með BM gráðu í klassískum gítarleik og meistaragráðu í listkennslu frá Listaháskóla Íslands auk diplóma í stjórnun menntastofnana frá Háskóla Íslands.
Pamela er með meistaragráðu í þverflautuleik frá Listaháskólanum í Flórens og Listaháskólanum í Campobasso og meistaragráðu í kammertónlist frá Listaháskólanum í Róm.
Stefán og Pamela taka til starfa þann 1. ágúst næstkomandi og um leið láta af störfum þau Helga Sighvatsdóttir, skólastjóri og Jóhann I. Stefánsson, aðstoðarskólastjóri.