Eldur kom upp í þvottavél í íþróttamiðstöðinni á Hellu síðastliðinn miðvikudag. Starfsmenn brugðust snarlega við og slökktu með slökkvitæki og færðu vélina út fyrir hús.
Af þessu varð minniháttar tjón en þó fór reykur um hluta hússins.
Í síðustu viku var einnig tilkynnt um eld um borð í björgunarskipinu Ingibjörgu þar sem það lá bundið við bryggju í Hornafjarðarhöfn. Við athugun reyndist um bilun í sjálfvirkum slökkvibúnaði í vélarrúmi að ræða og var aðstoð því afturkölluð.