Klukkan 19:10 í kvöld varð jarðskjálfti af stærðinni 4,0 í norðausturrima Kötluöskjunar. Samkvæmt upplýsingum frá vakt Veðurstofunnar er um að ræða stærsta skjálftann í Kötlu síðan árið 2017.
Nokkrir minni eftirskjálftar hafa fylgt á eftir, sá stærsti 3,4 klukkan 19:44.
Samkvæmt frétt RÚV mun Veðurstofan fylgjast vel með gangi mála í nótt, bæði vatnamælum og jarðskjálftamælum, en engin merki eru um gosóróa.