Stjórn Sláturfélags Suðurlands hefur ákveðið að greiða bændum 2,15% uppbót á afurðaverð allra kjöttegunda fyrir árið 2011.
Uppbótin verður greidd inn á bankareikninga bænda þann 12. mars næstkomandi.
Í tilkynningu frá félaginu segir að stefna SS sé að greiða samkeppnishæft afurðaverð hverju sinni og góð afkoma liðins árs geri þessa uppbót mögulega.
Hagnaður samstæðu Sláturfélags Suðurlands á árinu 2011 var 1.179 milljónir króna samkvæmt rekstarreikningi. Árið áður var 186 milljóna króna hagnaður. Eigið fé er 2.711 milljónir króna og eiginfjárhlutfall samstæðunnar er 46%.
Tekjur ársins 2011 voru 8.451 milljónir króna en 7.602 milljónir króna árið 2010.