Aðgerðum sprengjusveitar Landhelgisgæslunnar og sérsveitar ríkislögreglustjóra á nýja gámasvæðinu í Þorlákshöfn er lokið. Torkennilegir hlutir sem fundust í gámi á svæðinu í morgun reyndstu ekki vera sprengjur.
Lögreglan var með mikinn viðbúnað á svæðinu í morgun og lokaði stóru svæði í kringum gámasvæðið.
Þorsteinn M. Kristinsson, varðstjóri hjá lögreglunni á Suðurlandi, sagði í samtali við Vísi að um hafi verið að ræða einhvers konar eftirlíkingu eða leikmun sem líktist raunverulegri sprengju.