Á morgun, miðvikudaginn 25. september, kl. 14:30 standa ADHD samtökin fyrir kynningarfundi fyrir fagfólk, stuðningsfulltrúa og aðra og kl. 20 verður spjallfundur fyrir foreldra í Fjallasal Sunnulækjarskóla á Selfossi.
Kynningarfundurinn er ætlaður starfsfólki leik-, grunn- og framhaldsskóla, sérfræðingum í skóla- og félagsþjónustu og öllum þeim sem starfa með börnum, ungmennum eða fullorðnum með ADHD. Efni fundarins er „Hvað er ADHD og hvað gera ADHD samtökin?“. Björk Þórarinsdóttir formaður og Elín Hoe Hinriksdóttir varaformaður stjórnar ADHD samtakanna kynna samtökin.
Klukkan 20:00 verður svo spjallfundur í Sunnulækjarskóla sem Drífa B. Guðmundsdóttir, sálfræðingur og Elín Hrefna Garðarsdóttir, geðlæknir stýra fyrir foreldra barna og ungmenna með ADHD. Foreldrar barna í leik-, grunn- og framhaldsskóla eru hvattir til að mæta.
Fundirnir eru öllum opnir og aðgangseyrir er enginn.