Veðurstofan hefur sent frá sér tilkynningu en í fyrramálið, miðvikudag, er gert ráð fyrir allhvassri suðvestanátt með snörpum vindhviðum við fjöll, mest undir Eyjafjöllunum og Esjunni.
Það lægir nærri hádegi en síðdegis má búast við lélegu skyggni í mikilli rigningu suðaustantil og auknum líkum á grjóthruni, þá helst í Hvalnesskriðum.
Fólk er hvatt til að koma lausamunum í skjól og ökumenn eru hvattir til að aka varlega á vindasömum svæðum, einkum ef ökutækin eru viðkvæm fyrir vindum.