Hjálparsveit skáta í Hveragerði var kölluð út í gærkvöldi til aðstoðar sjúkraflutningum HSU vegna einstaklings sem hafði veikst í Reykjadal, ofan við Hveragerði.
Alls fóru fimm björgunarsveitarmenn á vettvang, tveir á bíl ofan af Hellisheiði og þrír á fjórhjólum upp göngustíginn.
Verkefnið gekk vel fyrir sig og var sjúklingnum komið örugglega niður úr dalnum, þar sem sjúkrabíll beið hans og flutti undir læknishendur.