Klukkan tólf í dag voru björgunarsveitir á Suðurlandi kallaðar út eftir að tilkynning barst frá slösuðum göngumanni á hálendinu.
Maðurinn hringdi sjálfur í Neyðarlínuna en hann var staddur í tjaldi, um þrjá kílómetra suður af Hrafntinnuskeri.
Björgunarsveitarfólk sem var á hálendinu og hópar frá Suðurlandi fóru á vettvang ásamt skálaverði frá Hrafntinnuskeri. Hinn slasaði var kominn í skála Ferðafélagsins í Hrafntinnuskeri um klukkan þrjú. Hann reyndist slasaður á ökkla og var orðinn kaldur. Hann er nú komin í björgunarsveitarbíl sem flytur hann til byggða.