Komið hefur verið af stað fjársöfnun til stuðnings fjölskyldu Guðjóns Björnssonar á Syðri-Hömrum í Ásahreppi sem lést í hörmulegu slysi þann 17. mars síðastliðinn. Guðjón lætur eftir sig eiginkonu og þrjú börn.
Í færslu á Facebooksíðu sinni segir sr. Halldóra Þorvarðardóttir, prófastur í Fellsmúla, að samfélagið nær og fjær sé armi slegið vegna andláts Guðjóns.
„Við finnum öll að þörfin er knýjandi að sýna samhug í verki og því hefur verið hrundið af stað fjársöfnun til stuðnings konu hans og börnunum þeirra þremur.“
Söfnunarreikningurinn er á nafni sr. Halldóru Þorvarðardóttur og er hún og Ísleifur Jónasson í Kálfholti ábyrgðarmenn söfnunarinnar.
Upplýsingar um bankareikning: 0308-26-002355, kt. 231159-4449.