Snjór og hálka austan Markarfljóts

Að sögn vettvangsstjórnar á Hvolsvelli var nóttin þar mjög róleg. Vetur og sumar frusu saman undir Eyjafjöllum og er nú mikill snjór og hálka á veginum austan við Markarfljót.

Rétt fyrir kl. 1 í nótt varð örlítil aukning á vatnsrennsli í Markarfljóti og barst nokkur krapi með en þegar leið að morgni hafði vatnsmagn ekki aukist frekar í ánni.

Frá eldstöðvunum má enn finna markvissan takt umbrotanna. Í dag má búast við öskufalli í grennd við eldstöðina og vestur af henni.