Búast má við snjókomu og lélegu skyggni á Hellisheiði og í Þrengslum eftir hádegi í dag. Styttir upp síðdegis.
Suðvestan- og vestanlands mun kólna skarpt næstu klukkustundirnar. Á Hellisheiði, í Þrengslum, á Mosfellsheiði og Lyngdalsheiði kemur til með að snjóa nokkuð, einkum á milli kl. 12 og 15. Él eftir það.
Aftur eru líkur á snjókomu og lélegu skyggni á fjallvegum seinni partin á morgun og talsverðri rigningu á SA-landi.