Seint í kvöld kólnar talsvert með suðvestanátt og reiknar Veðurstofan með því að snjóa muni á fjallvegi, til dæmis á Hellisheiði.
Á morgun er spáð slydduhryðjum um vestanvert landið og hvössum vindi að auki. Það veldur krapa á fjallvegum og sums staðar hálku, einkanlega á það við um Holtavörðuheiði og vegi á Vestfjörðum.
Veðurstofan hefur gefið út gula viðvörun við Faxaflóa vegna þessa sem gildir frá miðnætti til kl. 21 á föstudagskvöld. Lítið skyggni í éljum, jafnvel krapi og hálkublettir á fjallvegum og því æskilegt að bílar séu búnir til vetraraksturs.