Fjöldi þeirra sem eru í einangrun á Suðurlandi vegna COVID-19 hefur tvöfaldast síðan í gær.
Í dag eru sex manns í einangrun vegna COVID-19 á Suðurlandi, en voru þrír í gær. Þá eru fimmtán manns í sóttkví eftir að hafa verið útsettir fyrir smiti, en voru átta í gær. Þetta kemur fram í tölum frá Heilbrigðisstofnun Suðurlands.
Einnig eru 206 manns í sóttkví á Suðurlandi eftir skimun á landamærunum og hefur fjölgað um 58 í þeim hópi síðan í gær.
Alls greindust fimm með kórónuveirusmit innanlands í gær að því er fram kemur á covid.is og voru þrír þeirra utan sóttkvíar.