COVID-19 smitum hefur fjölgað jafnt og þétt í vikunni á Suðurlandi. Í dag eru 119 í einangrun og 110 í sóttkví í umdæmi Heilbrigðisstofnunar Suðurlands.
Flestir eru í einangrun á Selfossi, 41 talsins, og þar eru 50 í sóttkví. Í Grímsnesinu eru 17 í einangrun og 13 í sóttkví og í Bláskógabyggð eru 12 í einangrun og 7 í sóttkví.
Þetta kemur fram í tölum frá HSU. Í gær greindust 179 með COVID-19 innanlands og þar af voru 99 utan sóttkvíar að því er fram kemur á covid.is.