Í dag eru 135 í einangrun vegna COVID-19 í umdæmi Heilbrigðisstofnunar Suðurlands og hefur fjölgað um þrjá síðan í gær. Nú eru 320 í sóttkví.
Flestir eru í einangrun í póstnúmerinu 851, sem er dreifbýlið í Rangárþingi ytra og Ásahreppur. Þar er 31 í einangrun og hefur fjölgað þar um sex síðan í gær. Í þessu póstnúmeri eru 23 í sóttkví.
Á Selfossi er 21 í einangrun og 91 í sóttkví, nítján eru í einangrun í Sveitarfélaginu Ölfusi og 34 í sóttkví.
Þetta kemur fram í daglegum tölum frá HSU.
Í gær greindust 116 með COVID-19 innanlands og voru 74 þeirra utan sóttkvíar, að því er fram kemur á covid.is.