Lítil jarðskjálftahrina varð við Hrygg í Flóahreppi um hádegi í dag. Stærsti skjálftinn var um 2,6 að stærð en alls hafa orðið á bilinu 60-70 skjálftar á svæðinu í dag.
Greint er frá þessu á Facebooksíðu Eldfjalla- og náttúruvárhóps Suðurlands.
Jarðskjálftar á þessum slóðum eru nokkuð algengir og tengjast spennulosun í tengslum við Suðurlandsbrotabeltið. Síðasti stóri skjálfti á beltinu varð í maí 2008 og á undan því í júní árið 2000.