Slys í Silfru

Kl. 15:59 í dag barst útkall til Neyðarlínu vegna manns sem bjargað hafði verið meðvitundarlausum á land úr Silfru á Þingvöllum.

Lögregla og sjúkralið ásamt þyrlu Landhelgisgæslunnar voru kölluð til.

Maðurinn, sem er erlendur ferðamaður á sjötugsaldri, mun hafa verið að snorkla í gjánni og var í för með fleiri úr fjölskyldunni í skipulagðri ferð.

Maðurinn var fluttur með þyrlu LHG á sjúkrahús í Reykjavík.